ਮੈਲਬਰਨ ਵਿੱਚ ਪੰਜਾਬੀ ਮੂਲ ਦੇ ਪ੍ਰੀਤ ਸਿੰਘ ਨੇ ਮੇਅਰ ਬਣ ਕੇ ਵਧਾਇਆ ਭਾਈਚਾਰੇ ਦਾ ਮਾਣ

ਪੰਜਾਬ ਦੇ ਪਿੰਡ ਬਡਰੁੱਖਾਂ (ਸੰਗਰੂਰ) ਦੇ ਜੰਮਪਲ ਅਤੇ ਪਿਛਲ਼ੇ ਕਰੀਬ 20 ਸਾਲਾਂ ਤੋਂ ਮੈਲਬਰਨ ਰਹਿੰਦੇ ਪ੍ਰੀਤ ਸਿੰਘ ਨੂੰ ਵਿੰਧਮ ਸਿਟੀ ਕੌਂਸਿਲ ਦਾ ਮੇਅਰ ਚੁਣਿਆ ਗਿਆ ਹੈ। ਪ੍ਰੀਤ ਸਿੰਘ, ਮੈਲਬਰਨ ਸ਼ਹਿਰ ਤੋਂ ਕਰੀਬ 22 ਕਿਲੋਮੀਟਰ ਦੀ ਦੂਰੀ ’ਤੇ ਸਥਿਤ ਟਰਗਨੀਨਾ ਇਲਾਕੇ ਦੇ ਵਸਨੀਕ ਹਨ ਉਹ ਵਿੰਧਮ ਵੇਲ ਸਿਟੀ ਕੌਂਸਿਲ ਅਧੀਨ ਪੈਂਦੇ ਬੇਮਿਨ ਵਾਰਡ ਤੋਂ ਸਾਲ 2024 ਦੀਆਂ ਕੌਂਸਿਲ ਚੋਣਾਂ ਜਿੱਤੇ ਸਨ। ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਕਰਦਿਆਂ ਪ੍ਰੀਤ ਸਿੰਘ ਨੇ ਦੱਸਿਆ ਕਿ ਸਥਾਨਕ ਲੋਕਾਂ ਨੂੰ ਮੁੱਢਲੀਆਂ ਸਹੂਲਤਾਂ ਦੇ ਨਾਲ-ਨਾਲ ਸੁਰੱਖਿਅਤ ਮਾਹੌਲ ਪ੍ਰਦਾਨ ਕਰਨਾ ਉਨ੍ਹਾਂ ਦੀ ਪਹਿਲੀ ਪ੍ਰਾਥਮਿਕਤਾ ਹੈ। ਕਾਬਿਲੇਗੌਰ ਹੈ ਕਿ ਇਸ ਤੋਂ ਪਹਿਲਾਂ ਨਵੰਬਰ 2025 ਵਿੱਚ ਪ੍ਰੀਤ ਸਿੰਘ ਨੂੰ ਬਤੌਰ ਡਿਪਟੀ ਮੇਅਰ ਦੀ ਜਿੰਮੇਵਾਰੀ ਸੌਂਪੀ ਗਈ ਸੀ।