Feature: Rooj sab laj tham txog kev tswj roj siv

Australia tus thawj pwm tsav tau teeb tsa ib tug neeg los nrog tswj kom muaj roj tsheb rau neeg Australia siv rau lub caij tseem muaj tsov rog ntawm Middle East txuas ntxiv, tab sis lwm pab nom teb chaws hais tias tsoom fwv tsis kub siab txog tej hauj lwm no tau plaub xyoos no lawm. Thiaj ua rau Mr Albanese nqua hu kom tej neeg tsuas yuav roj tsheb siv raws li qhov tsim nyog yuav kom sawv daws thiaj tau siv. Tiab lub caij no los lub koom haum ACCC tseem txheeb tias seb puas yog tej tuam txhab muag roj yuam tej cai tswj cov kev sib tw lagluam thiab txheeb seb puas yog txhob txwm nce nqe muag roj kim rau tej neeg tsav tsheb. Ua ke no los tsoom fwv kuj qhia tias tab tom coj tej roj petrol thiab diesel tshaj 500 million litres uas npaj tseg coj los rau sawv daws siv.