Kobra

By: Deon Meyer

Narrated by: Nic De Jager

Deon Meyer, die mees gewilde Afrikaanse spanningsverhaalskrywer, se nuwe roman is nou beskikbaar as luisterboek! Die laaste ding wat kaptein Bennie Griessel van die Valke nodig het, is moeilikheid. Want hy suip dalk al weer, hy lieg vir sy kollegas en sy AA-borg, en die intrek by Alexa Barnard was 'n fout. 'n Karnallie van 'n fout. Maar die gastehuis-bloedbad buite Franschhoek was die werk van 'n professionele laksman - drie slagoffers, drie perfekte kopskote. En dis nie net die onverklaarbare gravering van 'n spoegkobra op die koeëldoppies - en die komende mediasirkus - wat Griessel laat bloed sweet nie.Twee van die oorledenes is lenige militêre tipes. Spesmagte. Of Spoke. Moeilikheid. Heel agter, in die hoofslaapkamer, is tekens van 'n gestoei, en te veel bewyse dat iemand ontvoer is. Bes moontlik 'n buitelander. Groter moeilikheid. Maar die paspoort is vals, die Britse konsulaat speel spioenasiespeletjies, en dieselfde huurmoordenaar slaan toe by die Kaapse Waterfront. Boonop neem die staat se duistere Sekuriteitsagentskap die ondersoek oor, en die Valke moet 'n vlugtende, baie vaardige Kaapse sakkeroller dringend opspoor om hul eer - en die demokrasie - te red. Maksimum moeilikheid.

Please note: This audiobook is in Afrikaans.

©2013 Deon Meyer (P)2013 NB Publishers

Excellent!!

Narrator did an exeptional job!! Intrigued by the storyline and characters. Great, wonderful listening book.

Fantasties

Die boek was uitstekend. Ek het dit in een dag geluister. Ek kon nie ophou nie! Wêreldklas. Baie navorsing en moeite is gedoen met dié boek. Nic de Jager is ‘n fantastiese voorleser en ‘n plesier om na te luiser.

Bennie en die span op hulle beste

Was vasgenael van die begin tot die einde. Nog 'n baie goeie boek en alhoewel dit net fiksie is laat dit my voel daar is hoop vir die land as almal net kan saamwerk.

Storie uit die boonste rakke

Ek het die voorlesing deur Nic de Jager baie geniet, hy het lewe geblaas in elke karakter.
Kobra is ‘n boek wat jou op die punt van jou stoel hou tot die laaste bladsy.

We just love Deon Meyers books!

He always does his research well. I found it hard to turn my car off, as I always listen to my audio books whilst driving. Nick De Jager is an exellent narrater.